Kawngpui laih leh environment chungchang sawiho a ni

Mizorama hmasawnna hna thawh vanga environment a nghawng dan thlithlai a, hmalakna en zuitu Committee chu nimin khan CMO Conference Hall-ah an ṭhukhawm a; PWD leh National Highways Infrastructure Development Corporation Limited (NHIDCL) hotute leh environment humhalhna lama hma latu pawlte an tel.

Ṭhutkhawm hi adviser to CM (Technical) K Lalsawmvela'n a kaihruai a; NHIDCL hotute'n NH kawngpui an laihnaa leivung danna tur an siam te, lei a tawlh belh zel lohna tura plantation an siam te, EFCC department nen ṭang kawpa roadside plantation an siamte leh hmalakna dangte an sawifiah a ni.

Committee member-te'n hma an lakna leh an thil hmuh dante an sawi a; hmalakna la kal zel turah mihring leh environment tan nghawng ṭha lo a awm zui loh nan district leh state-ah hna thawh vilna (monitoring) lam ngawrh taka kalpui zel ni se, an ti.