MVA Act 2019 hman hnuah Thla 2 chhungin lirthei 2,425 man

Mizoramah Motor Vehicles (Amendment) Act, 2019 hman a nih hnuah October 1 aṭanga November 30, 2022 thleng khan ni 61 chhungin Aizawl khawpuiah lirthei dan bawhchhia 2,425 man a ni a, pawisa chawi tling khawm chu Rs 19,60,300 a tling.

Traffic police hotute hnen aṭanga Vanglaini thu dawn danin, kumin October 1-31 chhung khan Aizawl khawpuiah dan bawhchhia lirthei 1,286 man a ni a, an pawisa chawi tling khawm chu Rs 10,00,000 a ni. November 1-30, 2022 chhungin dan bawhchhia lirthei 1,139 man leh a ni a, an pawisa chawi zawng zawng chu Rs 9,60,300 a a ni.

Kumin October leh November thla ni 61 chhunga Aizawla lirthei dan bawhchhia man zawng zawng chu 2,435 a ni a, pawisa chawi zat belh khawm chu Rs 19,60,300 a ni.

Lirthei man zingah two wheeler tam berin, 1,666 a ni a, two wheeler khalhtute pawisa chawi chu a vaiin Rs 13,48,100 a ni.

Motor Vehicles (Amendment) Act, 2019 hi September 1, 2022 aṭangin Mizoramah hman a ni.