Police-in ganja leh heroin man

Kanhmun police-te chuan December 21, Nilaini khan balu phur lirthei pakhat aṭangin ganja kg. 37.1 an man a, inhnamhnawiah puh - lirthei khalhtu Rohen Lalchhanhima (27), ITI Veng, Aizawl leh Margona Reang (32), Medilicherra, Assam nia inchhalte an man bawk. Ganja hi Karimganj, Assam aṭanga an lak a ni a, Kanhmun Police Station-ah thubuai ziah luh a ni.

Nilaini vêk khan Special Narcotic PS team chuan Luangmual Vengthlang, Aizawlah heroin gram 37.94 leh a neitua puh Rodingpuii (25), Hnahthial Venglai nia inchhál an man. Heroin hi international market-ah Rs 8,00,000 man a ni a, ruihhlo petu Zolawmsanga (22), Champhai Kanan Veng nia inchhál an man bawk.