Nau piang leh thi chungchangah Chakma/Bru chênnaah fimkhur ṭha ti

Lungleia Inter-Departmental Coordination Committee on Civil Registration System of Births & Death hotute nimina ṭhukhawm chuan, Lunglei district khawthlang lam, a bikin Chakma leh Bru ho chênnaa piang leh thi chhinchhiahnaah a tam thei ang ber inspection (endik) neih a nih theih nan thuneitute hnena thlen an rêl.

Ṭhutkhawm hi Lunglei additional DC Donny Lalruatsanga'n a kaihruai a; sorkar thupek angin damdawi-ina ráltlân piangte chu cetificate pek loh ni se, an ti a; home-a piangte chhinchhiah kawngah ASHA leh Registrar of Births & Deaths-te'n thawhhona ṭha tak nei chunga hmalak ni se, an ti. Ration card felfai leh buhfai dik taka dawn a nih theih nan nau piang leh mitthite report kimchang DCSO pisaah a hma thei ang bera thehluh ṭhin ni se, an ti bawk.