Rindika'n Zamuang leh Rengdil a tlawh

Hachhek bialtu MLA Lalrindika Ralte chuan Nilainia rial leh thlíin a bial chhunga in eng emaw zat a tih­chhiatna, Zamuang leh Rengdil khuate nimin khan a tlawh a, hnatlangte ei leh in senso atan YMA hnenah Rs. 20,000 ve ve a pe.

Lalrindika Ralte chuan, vanduaina tâwkte a tawrhpui thu sawiin, "Covid-19 hripuiin min tihbuai em em laia khuarèl chhiatna lo thleng hi a lungchhiatthlak hle. He bial aiawh tur hian ka inpe a, ka inpekna min pawmpui a, bial enkawltu atan min thlang a ni. Bialtu nihnain mawhphurhna a ken tel reng rengah ka tlanchhe dawn lo a, theihtawpin he bial tan hian hna ka thawk dawn a ni," a ti.

SDO-in a chhinchhiah danin, Zamuang khuaah hian rial tla vanga in chhe vek 82 leh ṭhenkhat lai chhia 134 a awm a; Rengdil khuaah in chhe vek 91 leh a ṭhen lai chhia 120 a awm bawk.