Samagra Shiksha, Mizoram hnuaia thawkte October leh November hlawh sorkarin a pe

Samagra Shiksha, Mizoram hnuaia thawkte chuan kuminOctober leh November thla hlawh eng emaw chen an lak theihloh hnuah nimin December 23, Zirtawpni khan sorkarin hlawh a pe a; chutih rualin, Aizawl district leh Mamit district-a mite’n an la la ve rih lo.

Federation of Mizoram Shiksha Employees (FEMSE) hruaitutehnen atanga thu dawn danin, Samagra Shiksha hnuaia thawktehian kumin October leh November hlawh hun eng emaw tichhung an la thei lo a, sorkarin hlawh a pek theih nan pawl hruaitute’n hma an la a ni.

FEMSE hruaitute chuan, thla hnih hlawh sorkarin a bat chunimin December 23 khan sorkarin a pe chhuak tih an sawi a, “District hrang hranga thawkte account-ah a lut a, mahse, Aizawl leh Mamit district-a thawkte chuan kan la dawng ve lo. Siaha district lam hi an dinhmun kan la hre chiang lo. Kanhlawh hi a nawrin kan nawr chhuak a ni ber,” an ti.

District thenkhata mite’n la la lo mah se, sum sanction erawh a awm vek tawh thu FEMSE hruaitute chuan an sawi a; hlawh tur sum sanction-ah December 2022 hlawh leh aereal a tel thu an sawi bawk.

Samagra Shiksha hnuaia thawkte’n hlawh an lak mai theih lohchungchangah hian Congress Legislature Party chuan press statement an lo siam tawh a; Krismas hma ngeiin Samagrahnuaia thawkte hlawh pe turin Mizoram sorkar phût a ni.