MLA-in ráltlânte tanpuina a hlân

Lawngtlai West bialtu MLA C Ngunlianchunga chuan December 22, Ningani khan Bangladesh atanga Zo hnahthlak ráltlân, Lawngtlai West bial chhunga awm nekte hnenah thilpek eng emaw zat a hlan.

C Ngunlianchunga hian Parva-III khuaa mite hnenah Rs 10,000, Vathuampuiah Rs 10,000, Chamdur-P khuaah Rs 5,000 leh Mautlangah Rs 5,000 a pe a; buhfai, bekang sa, alu, dailuah, tél, thingpui fê leh chini thahnem tak a pe vek bawk.

C Ngunlianchunga chuan, raltlante chu Mizo an nih thu sawiin, lainatawm a tih thu a sawi a, “Mizorama an awm chhungin thlamuang taka awm turin kan chah a, mikhual chan changmahse, inthlahrung loin awm se, khual tha nih theuh tum se ka duh khawp mai," a ti.