MPYCC-in lawmthu an sawi; ngaihdam an dil

Congress party thalaite chuan thuchhuah siamin, Krismas leh kumthar thleng tur hlim leh lawm taka hmang turin Mizoram mipui duhsakna an hlân a; an hmalakna tawiawmtute hnenah an lawm thu an sawi rualin, mi pawi sawi an nei a nih chuan ngaihdam an dil.

MPYCC chuan, kumin chhunga an chêt velna hrang hrangah Pathianin a hruai avangin lawmthu an sawi a, "Ram leh hnam tana hma kan laknaa min tawiawmtu mipui chungah thinlung takin lawmthu kan sawi a ni," an ti a; an hmalakna tawiawm zel turin mipui an sáwm.

MPYCC chuan, "Kumin chhunga kan chêt velna leh kan hmalaknaah mi pawi kan sawi leh tih a awm palh a nih chuan mipui ngaihdam kan dil a, kan tih zawng zawngte kha mipui hmasawnna tura ti kan ni tih min hriatsak kan duh tak zet a ni," an ti.