MACP hman phalsak vangin lawm

Federation of Mizoram Govern­ment Employees and Workers (FMGEW) chuan thuchhuah siamin, ramin hun harsa a tawh laia Mizoram sorkarin MACP hman a phalsak leh ta chu lawmawm an tih thu an tarlang a; hemi rual hian, sorkar hnathawkte leh pawlte chu Covid-19 dona atan sum thawh zel turin an ngen.

FMGEW chuan, Covid-19 dona atana sum thawh dan tur ruahmanna ennawn tura an ngennate ngai pawimawh a, huam zau taka sawihona siamtu Chief Secretary chungah lawm­thu an sawi a, "Dawhthei taka association hrang hrang harsatna thlente min ngaihthlaksak vek te, pá chan changa kan harsatnate min hrethiam hi kan lawm em em a ni," an ti.

Covid-19 vanga hun harsa ramin a tawh mekah, a thim a vár thlu loa thawktu sorkar hnathawkte chungah an lawm thu leh service association/department hminga CM Relief Fund-a sum thawhte chungah an lawmthu an tarlang a; May 12, 2020-a Chief Secretary kaihhruai­naa service hrang hrangte meeting thuchhuak angin, hripui dona atan 

ṭhahnemngai taka thawhlawm thawh zel turin sorkar hnathawkte leh pawlte an ngen a ni.