LSC lem siama mi bumtute police-in an man

Mizoram police-te chuan tun hnaia LSC lem siama mi bumtu mi pali zinga pahnih an man a, an thurualpui mi pahnih dang an la zawng mek.

Police tarlan danin, Bungkawn CID Complex-a mi nu pakhat chu mi paliin bumin, Luangmuala ram/LSC pakhat chu Rs 19,00,000-in a leitir a, ram man Rs 5,00,000 chu cheque hmangin an pek lâwktir a ni. Ram an hralh chu a hnuah AMC ram a ni tih hriat a ni a, LSC leh AMC clearance an pekte pawh a lem, an siam chawp a ni tih hriat chhuah a ni.

Mi bumtu palite chu - Lalduhawmi d/o Thangvela (L), Zonunpari d/o Lalthlengliana, Zomuanpuia s/o Lalduhthlara leh, Amy Lalhruaizeli d/o Lalduhawma te an ni a; Zuangtui, Aizawl mi vek an ni.

Mi palite lakah IPC Section 120B, 465,468, 471 leh 420 tlawhchhanin Aizawl Police Station-ah thubuai ziah luh a ni a; Lalduhawmi leh Zonunpari te chu police-in an man tawh a, Zomuanpuia leh Amy Lalhruaizeli te an zawng mek a ni.

Police-te chuan, mi bum hmangte lakah fimkhur turin mipui an chah a, tunlaiin sum duh vanga inbumna a tam thu an tarlang.