Aizawlah No Vehicle Zone kalpui leh a ni

Nimin December 24 khan Aizawlah lirthei tlân phal loh hun leh hmun kalpui leh a ni a; bazarpui leh a chhehvelah zalen takin lirthei tihbuai lohin mipuite châkkhai lamin an kal.

No Vehicle Zone hi chawhma dar 10 atanga tlai dar 4 thleng Zodin Square leh Chanmari kâwn inkarah kalpui a ni a; Zone huam chhungah dam lohna leh rîkrum thila tlân tlang ngei ngai lirthei tih loh chu lirthei tlân tlang a awm lo.

Lirthei tlân phal lohna huam chhung hmun eng emaw zatah mite tanpuina atana thawhlawm khawn paha zai an awm a; intihhlimna lam chi dang buaisaih an awm bawk.

Krismas bazarah venhimna thil atan leh mipui tana pan awlsam zawkna turin police-te'n Israel Point bula taxi stand-ah Help Desk an siam a, police eng emaw zatin an thutchilh a, hmun hrang hrangah police-te an kal kual bawk.

No Vehicle Zone hi December 31-ah kalpui leh a ni bawk ang.