Krismas lawm mek a ni

Vawiin hi Kristiante ni pawimawh Isua Krista pian champha Krismas a ni a, kohhran hrang hrangte'n an lâwm mek.

Mizorama kohhrante chuan nizan khan Krismas urlâwkin an inkhawm a, inkhawm bânah an zaikhawm hlawm. Thalaite'n thian hoin intihhlimna hun an hmang a, khawlaia chhuakvâk an tam hle. Savation Army lamin Temple kawtah Coffee Night an hmang a, mi thahnem tak pungkhawmin, kawngpui an dangchat a, damlo phur lirtheite pawh tlân tlang theih a nih loh avangin khawmuan phah an awm nia thu dawn a ni.

Vawiin hian kohhran hrang hrangte'n Krismas an lawm dawn a, chawhma, chawhnu leh zanah inkhawm a awm dawn. Kohhran tam ber chuan an hmunpui atanga thupui thlan sa hmangin Pathian thuchah an ngaithla dawn a ni.

Mizorama kohhran lian ber Presbyterian Kohhranin Synod atanga thupui thlan sa an ngaihthlak turte chu - vawiin chawhmaah 'Chhandamtu a piang ta' tih te, chawhnuah 'Lal thar piang hmutute nen' tih leh, zanah 'Mi tin tana chhandamna' tihte a ni.