Hlim takin Krismas lawm a ni

Nimin December 25 kha Krismas a ni a, Mizoram chhung leh páwna kohhran hrang hrangte'n hlim takin an lawm.

Kristiante hun pawimawh Krismas hi kohhran hrang hrangte'n an lawm a, tualchhung kohhran tam ber chuan chawhma, chawhnu leh zanah inkhawm an nei a, an hmunpui atanga thupui thlan sa hmangin Pathian thuchah an ngaithla a ni. Inkhawm mai bakah, an zaikhawm hlawm bawk.

Krismas pual hian tualchhung kohhran thenkhat chuan kawng an zawh a, kawng zawh pahin Pathian fakin an zai a, rimawi an tum a ni.

Vawiin hian kohhran hrang hrangte chuan Krismas lawmna ruai an theh dawn a, nimin Krismas ní kha Pathianni a nih avangin Krismas nía ruai theh nghal thin kohhrante'n ruai an theh lo hlawm a, vawiinah an theh dawn a ni.