District 9-a VC roll-ah voter 4,55,597

July 29, Ningania tihchhuah tak Village Council Electoral Roll-ah Mizorama autonomous district council (ADC) huam chhung tih loh district dang pakuaah voter 4,55,597 an awm a, kum 2015-a VC inthlan lai aiin voter 58,987-in an tam zawk a, a punna chu 14.87% a ni.

VC electoral roll thara voter 4,55,597-te hi mipa 2,25,068 leh hmeichhia 2,30,529 an ni a, mipa aiin hmeichhia 5,461-in an tam zawk. Kum 2015-a VC inthlanah voter 3,96,610 an awm a, chu ai chuan kumina voter 4,55,597 chu 87,460-in a tam zawk.

Voter tamna ber district - Lunglei district-ah voter 87,460 an awm a, voter tlemna ber Hnahthial district-ah 21,427 an awm. District pakua chhunga voter tamna ber VC chu Lunglei Chanmari niin, voter 3,220 an awm a, voter tlemna ber Thehlep, Lunglei district-ah mi 31 chiah an awm thung. District pakuaah hian VC 556 a awm a, chu'ngah chuan chhungkua 1,44,510 an awm a ni.