Kângmei laka fimkhur turin mipui chah

29th December, 2022

Aizawl District Disaster Management Authority (ADDMA) chairman Dr Lalhriatzuali Ralte, bawrhsap chuan kângmei chuangchanga mipui ngenna leh hriattirna a tichhuak a; kângmei tichhuak lo tura fimkhur tura khua/veng tin leh mipui a ngen bakah, inzirtirna thu khawtlangah leh kohhranah puangzar turin a ngen.

ADDMA Chairman chuan, khua a ṭhál leh ṭan tih tarlangin, "Mizoram hmun hrang hrangah kângmei chhuakin chenna in tam tak leh mihring nunna hial chán an lo awm ta zel mai hi a pawi hle. VLDMC leh LLDMC bakah kohhran tinte’n mahni khua/veng ṭheuhah kângmei laka mipui him zawk nan a ṭul anga hma la tur leh zirtirna a tam thei ang bera inpe turin kan inngenin kan inhriattir a, khawtlangah leh mahni kohhranah puangzar turin kan inngen e," a ti.

HRIAT TUR PAWIMAWHTE

* Electric wiring uluk taka siam a, MCB hman ṭheuh tur.

* Gas hmanga eirawngbawl leh thing tuah thuk hmangte’n thuk hman zawhah uluk takin tihmih tur.

* Ramkalte’n ramkalnaa an mei chhèmte ṭha takin an timit tur a ni.

* Ar leh vawk vulhte’n an ran vulhna aṭanga kângmei tichhuak thei thuk leh electric hrui zamte uluk zawkin thlithlai tur.

* Zial zuk bung timit ṭha loin paih mai mai tur a ni lo.

* Kâng mai thei thil - petrol/diesel/gas/khawnvartui zuarte’n kâng ṭhelhna hmanrua (fire extinguisher/sand bucket) an inchhawp ngei tur a ni.

* Kângmei chhuaha ṭanpuitu kan kohin chhiatna thlenna hmun chiang taka hrilh ṭhin tur.

* Kângmei chhuah palh thilah rang takin thuneitute hriattir vat tur a ni.

KÂNGMEI CHHUAK HRIATTIRNA TURTE

No. Hriattirna tur Phone

1. Fire & Emergency Services 101

2. Emergency Response Support System 112

3. Aizawl Fire Station 0389-2322384/9436730440

4. Khatla Fire Station 101/ 0389-2336406/9436730450

5. Kulikawn Fire Station 0389-2312000/7628053799

6. ITI Fire Station 9366984684

7. Bawngkawn Fire Station 9436727944

8. Aizawl Police Station 0389-2322375/8794747291

9. Bawngkawn Police Station 0389-2340758/2347570

10. Kulikawn Police Station 0389-2322379

11. Vaivakawn Police Station 0389-2342303

12. Sairang Police Station 9774722968