National Jamboree-a tel turte vailiam

India rama Scouts & Guides intawhkhawmna lian ber, National Jamboree vawi 18-na chu January 4-10, 2023 chhungin Rohat, Pali Marwar, Rajasthan-ah neih a ni dawn a, Mizoram aṭanga tel tur Bharat Scouts & Guides mi 50-te chu nimin December 29 khan Mizoram BSG state secretary Lalngilneia Colney-in Ṭhuampuia Ch Chhunga Bus Terminal aṭangin a vailiam.

Kum li dana neih ṭhin, National Jaboree-ah hian Mizoram BSG aṭanga tel turte chu Aizawl, Lunglei leh Kolasib district-a mite niin, Mizoram BSG state organiser Lalnunsiami Pachuau chu team leader a ni a; thil chi hrang 11 hmangin an inel dawn. Jamboree-ah hian mi 35,000 chuang tel tura beisei a ni.