Rs 1,99,314 hù hàlpuah man tawh

Aizawl district-ah halpuah leh a kaihhnawih thilte khapna thupek Aizawl District Magistrate-in October 20, 2022-a a chhuah hnuah Aizawl district-ah police-in Rs 1,99,314 hù hàlpuah/hàlmawi an man tawh a, a kaihhnawiah mi paruk an man tawh bawk.

Halpuah/halmawi kawl vangin police-te chuan November 21, 2022 khan H Lalruatkima (36) s/o H Lalhmingthanga, Ṭhuampui leh Lalduhawmi (36) d/o Malsawma (L), Bethlehem Vengthlang te hnen aṭangin an man a, Rs 68,000 hù a ni.

December 21 khan Victor Lallawmkima (35) s/o J Rolala, Chhingchhip (Ramthar North-a khawsa mek) hnen aṭangin Rs 17,947 man leh Lalchamliani (42) d/o Lalbanglova, Ramthar North hnen aṭangin Rs 88,268 hù an man.

December 22 khan C Vanlalhriati (23) d/o C Daniala, Chawlhhmun hnen aṭangin Rs 11,189 hù an man a; December 28 khan Amanda Rosangpuii (26) d/o Roluahthanga, Khatla South hnen aṭangin Rs 13,910 hù an man bawk.

Halpuah/halmawi man avang hias police station-ah IPC Section 188 tlawhchhanin thubuai ziah luh zel a ni.