Kum 2023 kan chuang kái ta

Kum thar 2023 kan chuang kai ta a, vawiin hian Mizoram chhung leh páwna kohhran hrang hrangte chu kum thar lawmin an inkhawm dawn.

Kum thar pual hian kohhran hrang hrangte chu nilengin an inkhawm dawn a, an hmunpui aṭanga thupui thlan sa hmangin Pathian thuchah an ngaithla dawn a ni. Kohhran eng emaw zat chuan Pathian faka zaikhawm an nei bawk ang.

Kum thar lawmna ruai chu naktuk January 2 hian kohhrante'n an ṭheh dawn a, nimin khan thingpui ruai ṭhehte pawh an awm.

Nizan, December 31 zan khan kohhran hrang hrangte'n kum 2022 chhunga an kohhran mi thite sùnna hun an hmang a, Mizorama tualchhung kohhran lian ber Mission Veng Kohhran chuan mi 36 an sún a, hriat theih chinah kohhran mala mitthi sún tam ber an nia thu dawn a ni. Kohhran eng emaw zat chu zanlaiah an inkhawm bawk.

Nimin tlai khan Mizoram hmun hrang hrangah mi ṭhahnem takin kum 2022-a ni tla hnuhnung ber an en liam a; hmun ṭhenkhatah chuan a huhoin an en liam a ni.