Hàlpuah hâl lo tura ngenna campaign nei

Fire & Emergency Services (FES), Champhai Fire Station-a thawkte chuan December 30, Zirtawpni zan khan Champhai khawpui chhungah kum hlui thlahna leh kum thar lawmna atan hàlpuah leh hàlmawi hâl lo tura mipui ngenna Street Campaign an nei.

Champhaia FES mite chu veng panga - Vengsang, Kahrawt Veng, Vengthlang, Kanan Veng leh New Champhaiahte khawlai an fang a; halpuah hâl lo turin mipui an ngen a, aurinna hmangin an au a ni. Khua a ṭhàl ṭan mek avangin kângmei tichhuak lo tura fimkhur ṭheuh turin mipui an ngen bawk.

FES, Champhai Fire Station-a thawkte hian December 23, 2022 zan khan Champhai khawpui chhung hmun pangaah street campaign an lo nei tawh bawk.

Aizawla FES mite pawhin December 30, 2022 zan khan khawlai fangin, halpuah/halmawi hâl lo tura ngenna siamin, an tlangau bawk a ni.