Hlim takin kum thar lawm a ni

Nimin January 1 kha kum 2023 kum thar ní a ni a, Mizoram chhung leh páwna kohhran hrang hrangte'n hlim takin an lawm.

Kum thar pual hian tualchhung kohhran hrang hrangte chu an inkhawm a, an hmunpui aṭanga thupui thlan sa hmangin Pathian thuchah an ngaithla a ni. Tualchhung kohhran ṭhenkhat chuan chawhma inkhawm bànah thingpui ruai an ṭheh bawk.

Kum thar ní hi Pathianni a nih avangin Mizorama kohhran tam ber chuan kum thar lawmna ruai an ṭheh nghal lo a, vawiin hian ruai ṭheh a ni ang.

Kum hlui thlahna leh kum thar lawm zan, Inrinni zan khan Mizoram pumah chhiatna lian tham thleng a awm hriat a ni lo.