Thla 42 chhungin PWD-in kawngpui 115 an siam/thawm ṭha - MNF Media

Thla 42 chhungin Mizoram sorkara Public Works Department (PWD) chuan kawngpui 115 siam leh chei ṭhat hna an thawk a, hna lian ro tling tur thawh lai mek 11 a awm thu MNF party-in an tarlang.

MNF Media & Publicity department-in kum thum leh thla ruk chhunga MNF sorkar hmalakna an tihchhuaha an tarlan danin, Mizoram PWD-in thla 42 chhungin kawngpui 115 siam leh chei ṭhat hna an thawk zo tawh a, kum 2019 aṭanga June 2022 inkarah lei (bridge) pakua an dawh zawh bakah, ro tling tur hna lian thawh mek 11 an nei bawk.

Thla 42 chhunga MNF sorkarin cheng nuai 500 chung lam kawngpui siam/chei ṭhat hna an thawh lian zualte chu - km. 88.40-a thui Khedacherra-Damcherra-Zamuang-Kawrthah Tuilutkawn inkar kawng te, km. 113-a thui Serkhar-Bagha kawng te, km. 41.53-a thui Chhûmkhûm-Chawngte inkar national highway thúr hniha siam te, km. 11.85-a thui Tlabung-Kawrpuichhuah inkar NH thúr hniha siam leh km. 55-a thui Serchhip-Buarpui kawng siamte a ni.