Kum dang nena khaikhinin 2022-ah END-in heroin an man tam

Excise & Narcotics department (END) chuan kum 2022 chhung khan heroin kg. 35.137 an man a, kum danga an man nena khaikhinin a tam zawk hle.

Kum 2022 hmaa END-in heroin an man tam ber kum chu 2021 kha a ni a, kg. 18.906 a man. Kum 2022-ah kg. 35.137 an man a, kum 2021-a an man aiin kg. 16.234-in a tam zawk. END-in kum khat chhunga heroin an man zat hi kum 2019 aṭang khan kg. 10 a tling ṭan a ni.

END hian kum 2022 chhung khan methamphetamine kg. 103.714 an man a, an man tam ber kum chu 2019 niin, kg. 146.129 a ni. END hian methamphetamine man zat record kum 2019-ah an nei ṭan a, kum 2020-ah chuan kg. 45.547 leh kum 2021-ah kg. 12.268 an man a ni.