Kawng hrang hrangah theihtawp chhuahin Hmasawnna hnathawh a ni - Chief Minister

January 5, Ningani chawhnu khan chief minister Zoramthanga chuan Phullen khuaah khawtlang mipuite a kawm a, sorkarin theihtawp a chhuahzel thu a sawi.

Chief Minister chuan Covid-19 leng avang te, vawk hri leng avang te, ṭhenawm rambuai avang te, Zo hnahthlak raltlan lo lut leh thil dang hrang hrang avanga hmasawnna hna tam tak thawk thei lo dinhmunah hun eng emaw chen sorkar a din thu sawiin, "Chuti chungin a theih ang angte kalpui a ni," a ti.

Boruak ziaawm zelah theihtawp chhuahin kawng hrang hranga ngawrh taka hmasawnna hna thawka hma lak a nih thu sawiin Zoramthanga chuan, "Mizoram hmasawnna atan sorkarin kawng tinrengin harsatna karah pawh hna thawkin theihtawp a chhuah zel," a ti a; Phullen khuain zirna-in leh vantlang hmun pawimawh tihchangtlun leh siam ngai an thlente chu a ṭul anga a lo bawhzui pui tur thu a hrilh a ni.

Chief Minister hian Phullen khuaa martarte thlanah zahna pangpar a dah nghal a ni.