Opium leh ralthuam man a ni

Assam Rifles, Lunglei battalion leh Mizoram police-te ṭang dun chuan January 7, Inrinni khan opium leh ralthuam/hriamhrei eng emaw zat an man.

AR sipaite leh police-te ṭang dun chuan January 7 khan Lawngtlai district-a Vaseikaiah opium kg. 3 an man a; opium an man hi Rs 1,80,000 hû a ni a, a neitu nen police-in an hréng zui a ni.

Assam Rifles leh police-te chuan January 7 vêk khan Siaha district-a India leh Myanmar inrîna, border post-15 bulah ralthuam/ hriamhrei dah khawmna an hmu chhuak a, an man nghal. Ralthuam/ hriamhrei an mante chu thil chi hrang 15 a ni a; a tam ber chu puak thei thil (IED) leh a kaihhnawih a ni.