2022-ah dengue vangin mi 5 thi
Kum 2022 chhung khan Mizoramah dengue vei mi 1,903 hmuh chhuah a ni a, dengue vei zinga mi panga an thi.
Health department hnuaia Vector Borne Disease Control Programme chhinchhiah danin, Mizoramah kum 2013-a dengue vei hmuh chhuah a nih hnuah, nikum kha dengue vei hmuh chhuah tam ber kum a ni.
Mizorama dengue léng chu kum 2022 kum bul lamah chuan a veite'n an la na lêm lo a, kum chawhnu lamah chuan thluaka lut chi an kai avangin thihpui an awm phah ta niin Health department hotute chuan an sawi.
December 2022 chhung khan Mizoramah dengue vei rinhlelh mi 779 endik zinga mi 393-in dengue an vei tih hmuh chhuah a ni.