ZPM Ṭhalai President-in nuam tâwl nana SEDP hmangah Mizoram sorkar a puh

ZPM Ṭawi West Block chuan January 7, Inrinni khan Seling YMA Rûnah Block Annual Meeting an hmang a, ZPM Ṭhalai president Dr C Lalrammawia leh hruaitu dangte'n an hmanpui. C Lalrammawia chuan, MNF party-in Covid-19 hripui chu inphen nan an hmang a, SEDP chu nuam tàwl nan an hmang thung niin a sawi.

ZPM Ṭhalai President chuan, MNF sorkarin SEDP hmanga mipui hnena Rs 25,000 an sem chu SEDP chhe mi a nia sawiin, "SEDP Executive Board an ṭhut hma hauhin an duhsak zawngte leh a lailum kîl phate chuan SEDP chu a nuai biin an lo dawng daih tawh. Mipuiah SEDP an sem hmain an duhsak zawngte hnenah SEDP cheng nuai 3,800 chuang an sem ral hman a ni," a ti. SEDP chu MNF-in an tlâkpui ngei dawn niin a sawi bawk.

Mipuite'n hmasawnna tluantling chhawp chhuak thei sorkâr an duh tawh thu sawiin Dr C Lalrammawia chuan, "MNF leh Congress aṭangin ram siamṭhat duhtute ZPM-ah an lut zel a ni," a ti.