Sangau SDO(C) pisa & quarters sakna atan cheng nuai 282 pe

9th January, 2023

Sangau SDO (Civil) pisa leh quarters sakna atan Special Assistant to State for Capital Investment (SASCI) aṭangin cheng nuai 282 pek chhuah a nih thu, Lawngtlai East bialtu MLA H Biakzaua chuan January 7, Inrinni khan Sangau khuaah a puang.

Sangau VC-II House-a vantlang inkhawmah H Biakzaua chuan, kum 1998 daih tawha Sangau khuaa SDO(C) ṭhuthmun dah tawh chu kum 20 chuang a ral hnuah pawh pisa leh thawktute chenna tur in a awm mumal loh thu a sawi a; chief minister Zoramthanga hmalakna azarah pisa leh quarters sakna atan SASCI sum nuai 282 pek a nih thu leh, a zatve (50%) chu pek chhuah nghal a nih thu a sawi a ni.

Cheng nuai 282 hmang hian SDO(C) pisa bakah staff quarters pahnih sak tura ruahman a ni.