Dr Thangtea leh AHF hotute an inkawm

AIDS Healthcare Foundation (AHF) International Headquarters, Global Office & Corporate Headquarters, Los Angeles, USA hotulu ber sawmnain January 6, 2023 khan Health minister Dr R Lalthangliana chuan AHF International & Corporate office leh AHF ho office leh hmun pawimawhte tlawhin, meeting a neihpui.

Mizoram sorkar thuchhuah tarlan danin, AHF Global leader-te hian March, 2022 khan Dr R Lalthangliana hi Dallas, USA-ah HIV/AIDS dona chungchanga hmalakpui an duh thute hi sawipuiin, thil tam takah hmalak hona nei zui a ni.

Thawhhona thuthlung (letter of agreement) Zoram Medical College (ZMC) leh AHF Global Headquarters aiawh - AHF India Cares, New Delhi-te chuan September 27, 2022 khan an lo ziak tawh a ni.

Hemi hnu hian Mizorama HIV/AIDS hluar zel leh Mizoramin harsatna tam tak a tawhte hmachhawn dan turte duangin, hma lakna hrang hrang kalpui mek a ni.

Tun ṭumah hian Health Minister hian AHF-te International Headquarters, a hmun ngeiah tlawhin inkawmhonate an nei a, hei hian awmze nei lehzuala hmalak zelna kawngah rah ṭha a chhuah ngei tura beisei a ni.

Meeting-ah hian khawvela AHF hotu lu ber, international president Michael Weinstein leh a thawhpuite - chief of global advocacy & policy Terri Ford, chief financial officer Lyle Honig Mojica, director of global advocacy & media Sal Gullen leh hotu pawimawh tak takte an tel.