Hlawh tur pek chhuah a ni

Mizoram sorkar chuan nimin aṭang khan sorkar hnathawk group A, B, C leh D-te December 2022 hlawh tur a pe chhuak ṭan.

Vanglaini thu dawn danin, pension tawhte hlawh tur pek chhuah a la ni ve lo a, vawiin aṭangin pek chhuah ṭan theih beisei a ni.

Sorkar hnathawk nghet lo, muster roll leh provisional employee-te leh a nghet IFMIS-a inziak lutte hlawh tur chu January 6, 2023 khan pek chhuah a ni.

Mizoram sorkar chuan nikum kum chanve vel aṭang khan thla tin a hun pangngaiah sorkar hnathawkte hlawh a pe chhuak thei lo tawh a; a hma chuan thla khata pisa kai ni hnuhnung ber emaw, thla thar ni hmasa berah emaw pek ṭhin a ni a, nikum kum chanve vel aṭang khan a hun taka pek a awm tawh lo a ni.Hlawh tur pek chhuah a ni