March 15, 2023 thleng Lo hâl theih turin rawt

State Level Sub-Committee on Fire Prevention chu nimin khan Secretariat conference hall-ah an ṭhukhawm a, kumina lo hâl theih hun hnuhnung atan March 15, 2023 an rawt.

Ṭhukhawm hi Committee chairman TJ Lalnuntluanga, FCSCA minister-in a kaihruai a, kum 2023-a ram kàng ven dan tur an sawiho a ni. Mizorama ram kàng tam ber chu lo, leipui leh huan hàl aṭanga chhuak a nih thu an tarlang.

Kumina lo hâl theih hun hnuhnung atan March 15, 2023 an rawt bakah, ram kâng tur vên a nih theih nan February 6-10, 2023 chhungin Fire Prevention Week hman an rawt. District tinah ram kàng chungchang inzirtirna nasa zawka kalpui te, kângmei vèn leh inzirtirna chungchangah inelna siam an rawt bawk.