KHAWTHLIR

MRB hmanraw thar
Regional Rural Banks general manager V Siva Kumar chuan January 9, 2023 khan MINECO-a Mizoram Rural Bank auditorium-ah MRB Internet Banking Transaction Rights Facility thar a hawng. Kalphung thar hi MRB dawrtute tana internet kaltlanga account khawih chêtna tur a ni a; a hawnnaah hian MRB-ikn Information & Communication Technology department hnenah free public wifi dinna turin wifi router 500 an hlan nghal a ni.

Minister-in tlawh
Minister Lalrinawma chuan January 10, Thawhlehni khan a bial chhunga Chalphai leilet te, Ngentiang, Lungpho leh Rullam khuate a thlawh a; khawtlang hruaitute nen inkâwmin, khawtlang mamawh leh hmasawnna tura hmachhawpte an sawiho.

CADC tlawh
Chakma Autonomous District Council (CADC) sorkar term 10-na enkawl mektu caretaker Amol Srivastava, Lawngtlai district bawrhsap chuan ni thum chámin CADC headquarter Chawngte (Kamalanagar) a tlawh a, sorkar official-te a kawm bakah, hmun pawimawh leh hna thawh mekte a enfiah. Bawrhsap hi nimin khan Chawngte chhuahsanin Lawngtlaiah a lêt a ni.

Heroin man
Serchhip police-te chuan January 10, Thawhlehni zan khan Zawlpui pêngah car pakhat aṭangin heroin gram 44.10 an man a, internation market-a cheng nuai 44.10 hû a ni. Heroin phurhna lirthei khalhtu H Lalropuia (38) leh a phurh Siammawii (50), Champhai Venglai nia insawi ve vete an man bawk. Chhui zuina kal zelah police-te chuan Zorema (45), Serchhip IOC Veng hnen aṭangin Tuisem rama thlám bulah heroin 67.90, an man leh bawk a, cheng nuai 33 man a ni.

Republic Day rêl
Siaha, Serchhip leh Lawngtlai district-a sorkar hotute leh khawtlang hruaitute chuan January 10, Thawhlehni khan January 26, 2023-a Republic Day 2023 hman dan tur an rêl.