December 2022 chhungin CHL-ah mi 7,066 an inentir

December 2022 chhung khan Civil Hospital, Lungleiah mi 7,066 an inentir a, chu'ng zinga mi 439 chu damdawi-inah dah luh (admit) an ni a; nau piang 72 an awm laiin, mi 11 an thi.

Lunglei Civil Hospital-ah hian nikum December thla chhunga inentir mi 7,066-te chu OPD leh casualty pan an ni a; nau piang 72-te chu mipa 34 leh hmeichhia an ni. Mi 162-in thisen an pe a, thisen unit 205 hman a ni thung.

Mi 68 zai (major operation) an ni a, zai tênau (minor operation) mi an awm. Laboratory-ah mi 7,778, x-ray hmangin mi 183, ultrasound hmangin mi 73, endoscopy hmangin mi 22 en an ni a; dialysis tih mi 97, chemotherapy tihsak mi 34, CT scan hmanga enfiah mi 92 leh ECG hmanga enfiah mi 76 an awm bawk.