Mizoram Police-in ni 10 chhungin Cheng nuai 115 hû heroin an man

Mizoram Police chuan kuminah ni 10 chhungin heroin (no. 4) cheng nuai 115 hû an man tawh a, a kaihhnawihah mi paruk an man tawh bawk a, an lakah hian NDPS Act tlawhchhanin thubuai ziah luh a ni.

Police-te hian kuminah January 1-10 chhungin heroin gram 233.96 an man a, a vaiin international market-a cheng nuai 115 hû a ni. Heroin man kaihhnawihah hian mi paruk man an ni tawh a, chu'ng zinga panga chu Champhai district mi niin, Serchhip district mi pakhat a awm.

January 1-10 chhung vêkin police-te chuan pseudoephedrine kg. 194 leh opium kg. 2 an man tawh a, a kaihhnawihah mi pathum - Aizawl, Champhai leh Lawngtlai district mite an man bawk.