Sikkim media-te leh MJA-te an inkâwm

Mizorama media workshop neia Aizawla chám mek Sikkim jour­nalist-te leh Information and Public Relations (IPR) officer-te chuan nimin khan Aizawl Press Club an tlawh a, MJA member-te nen inkawmhona hun hlimawm tak an hmangho.

Sikkim sorkar bul­tumin Sikkim-a IPR officer pangate leh journa­list 15-te chuan Indian Institute of Mass Commu­nication (IIMC), Mizoramah media workshop an nei mek a ni. Workshop hi Sikkim journalist-te tan bika buatsaih a ni a, January 9, 2023 khan ṭan niin, vawiinah zawh a ni ang.

Workshop-a Sikkim aṭanga telte chuan nimin khan Aizawl Press Club an tlawh a, MJA General Hqrs hruaitute leh member eng emaw zat nen an inkâwm a ni. MJA member-te'n MJA chanchin leh Mizorama media hrang hrangte dinhmun leh Mizoram chanchin tlangpui an hrilh a, Sikkim lam khual­te pawhin an chanchin tlangpui an sawi.

Sikkim khual ṭhate hnenah hian MJA chuan thilpek a hlan ṭheuh a, Sikkim khualte'n memen­to leh thilpek dangte MJA tan an pe ve bawk.

Sikkim journalist-te hi nimin khan insem darhin Aizawla hmun ṭhenkhat an tlawh kual a, Aizawl Press Club tlawhtute bik hi IPR officer panga leh journalist pali an ni. Press Club tlawhtute hian IPR Directorate pawh an tlawh a, IPR director C Lalnunkima leh officer dangte nen an inkâwm a ni.