MADC sorkarin fiahna a paltlang

Mara Autonomous District Council (MADC) chief executive member (CEM) atana tun hnaia lak luh M Laikaw kaihhruai sorkar chu nimin khan fiah a ni a, sorkarin fiahna a patlang.

M Laikaw kaihhruai MADC sorkar fiahna, vote of confidence hi MADC Session Hall-ah neih a ni a; inkhawm hi MADC chairman N Viakhu chuan a kaihruai. CEM M Laikaw thláwptu member 15 an awm a, mi pariatin an thláwp lo thung.

Vote lâk a nih hmain eptu lam aṭangin H Malvina leh Nahlo Solo ten sorkar rintlak loh a nih dan an sawi a, rorel lai lam aiawhin S Lalremthanga leh K Hrahmo ten sorkar an rin tâwkna thu an sawi.

M Laikaw chuan, new maraland din a tum thu leh a kaihhruai sorkar chuan good governance lam hawiin hma a lak tur thu a sawi a ni.