Kan policy tihlawhtling turin ke kan pên ngei dawn - PC President

Peoples Conference party office bearer-te chuan nimin khan an pisaah kum 2023-a OB ṭhutkhawm hmasa ber an nei a; PC president Vanlalruata chuan, Mizoram dinchhuahna tur leh mipui dinchhuahna tur policy an neih tihlawhtling turin ke an pên ngei dawn thu a sawi.

Vanlalruata chuan, Mizorama political party dangte'n ram leh mipui dinchhuahna tur policy nei anga insawiin sorkar ṭhin mah se, a tak taka tihhlawhtlin a nih loh ṭhin avangin Mizoram dinhmun a la hniam thu a sawi a, "PC party hi chuan kan ram dinchhuahna tur leh mipui náwlpui dinchhuahna tur policy kan neih hi a tak taka tihlawhtling turin ke kan pên ngei dawn a ni," a ti.