Serchhipah IPR leh MJA inkâwm

IPR deputy director K Saitluanga chuan nimin khan Serchhipa a pisaah MJA, Serchhip district member-te kum thar 2023 pualin thingpui a inpui a, sorkar hmalakna hrang hrangah kumtluana ṭha taka thawhpuiah a sáwm.

K Saitluanga chuan, chanchinbumite'n hamṭhatna an dawn theih tur thilah rualkhai taka an kal theih nan hmalak ṭhin a nih thu a sawi a; Serchhip IPR department office-ah chanchinbumite chu inti neitu taka awm turin a chah.

Serchhip MJA president C Lalhminghlua pawhin thu sawiin, social media-in nasa taka a tuam mek laiin, sorkar leh mipuiin rintlaka an ngaih chu chanchinbumite an nih thu leh ṭha lehzual leh hmasawn tura thawk tura an inbuatsaih a ṭul thu a sawi a ni.