Home Minister-in halpuah haltu leh zuarte'n zahthlakah ngai se a duh

Home minister Lalchamliana kaih­hruaiin nimin khan Secretariat conference hall-ah kum 2022 Krismas leh kum 2023 kum thar vuâkvêt laia hâlpuah leh hâlmawi khapna dan kenkawhnaa hmalak dan thlirlet a ni. Minister chuan, sorkar phal loh thil zuar leh leitute chuan an rilru put hmang thlak se, thil zahthlakah ngai se a duh thu a sawi.

Lalchamliana chuan, krismas leh kum thar laia halphuah hâl khap chungchanga dan kengkawhtute thawhrimna te, NGO hrang hrang leh kohhrante hmalakna chu lawmawm a tih thu sawi a, "Sorkar phal loh thil zuar leh leitute hian an rilru put hmang thlak se. Khapna bawhchhiaa hal leh zuar nih hi thil zahthlakah ngaia inzirtirna pawh uar leh zuala kalpuia, kum lo kal leh turah mipui zirtirna uar lehzuala kalpui ni se," a ti.

He huna tarlan danin, kum 2022 Krismas bawr velah halpuah leh halmawi puak lo ang a ni a, kum thar zanah erawh minute 35 vel chhum lo chat loa hal a ni.

Aizawl district-ah halpuah hâl leh man a tam ber a; kumhlui thlah zanah police station hrang hranga case an ziah luh zat hi a vaiin 38 a ni a, a kaihhnawih mi 41 man niin, an thil man te hlut zawng belhkhawm chu Rs 3,77,288 a ni.