Sazu thang hman khap

Kolasib district magistrate John LT Sanga chuan Kolasib district-ah sazu (rats) manna thang chi khat, glue traps hman khap a nih thu a puang a, thupek bawhchhiate chu IPC Section 188 hmanga hrem an nih tur thu a tarlang.

Magistrate chuan, glue traps chu buh leh thlaite sazu laka hum­halhna atan ṭha hle mahse rannung chi hrang hrang a tihlum tel ve thei tih a tarlang a, "Rannung suattu leh titlemtu a nih theih avangin Prevention of Cruelty to Animals Act, 1960 leh the Wildlife (Protection) Act l972, dan kalh tlat a ni," a ti a, khapna thupek chuan thu leh awm hma chu thla hnih chhung a huam tur thu a tarlang bawk.