Vairengte Aitlanga hmunphiah Assam police-in lak an phal lo

Vairengte Aitlang hnar lam Assam ramri hnaiha Vairengte mi, hmun­phiah huan neitute chu an hmunphiahte helai chhehvela Assam police duty-te'n lak an phalsak lo.

Vairengte aṭanga thudawn danin, tunlai hi hmunphiah keh hun a nih avangin hmunphiah huan neitute chu January 13, 2023 khan an hmunphiahte keh tumin an kal. Mah se, Assam police-te chuan kuminah chuan an hmunphiahte hi lak phalsak an nih dawn loh thu an lo hrilh a ni.

Huan neitute hian Assam police-te lo tih dan hi Aitlang area VCP an hrilh a, ani chuan thuneitute a lo hrilh tur thuin a chhang a ni.

Nimin khan huan neitute hi an ṭhukhawm a, Vairengte SDO (C) chuan vawiin dar 1 hian meeting puihah a sawm a ni.

Huan neitute chuan Assam police-in an lo tihdan avangin an huanah an kal ngam tawh loh thu an sawi a, "Police-te nena kan kal dawn a nih loh chuan kan tan chuan kal ngamna chi a ni tawh lo," an ti.