Rálthuam leh ganja man a ni

Serchhipa hmunpui nei Assam Rifles, Mizoram Police leh Champhaia Customs mite chuan nimin khan Champhai lamah ganja leh ralthuam eng emaw zat an man.

Assam Rifles, Police leh Customs mite hian an thu dawn bawhzuiin nimin khan Vanlalmuana leh Pathang (Myanmar lam mi)-te hnen aṭangin bomb (gelatin) tihpuahna kép (detonator) 100 leh a hrui hlûm pariat an man a; Champhaia Customs-in thubuai ziak lutin an hreng zui a ni.

Nimin vêk khan Champhai Zote bulah ganja kg. 6.35 an man bawk a; ganja an man hi cheng nuai 4.69 hû a ni a, a neitua puh Myanmar lam mi pahnih nen Customs-in an hrêng nghal bawk.