G20 Meeting inbuatsaihna thlirho

G20 Business Meeting Core Team chu January 13, 2023 khan Home secretary H Lalengmawia kaihhruaiin Secretariat conference hall-ah an ṭhukhawm a, March 2, 2023-a Mizoramin Aizawla G20 Business Meeting a thlèn tura inbuatsaihnate an thlirho.

Ṭhutkhawmah hian sub-committee pakuate ruahmanna duan chhinte thlirho a ni a; sum mamawh dante sawiho a ni. G20 chief coordinator Harsh Vardhan Shringla chuan January 27, 2023 hian Mizoram sorkar hotute Aizawla G20 Business Meeting neih dan tur sawipui turin a rawn zin dawn.

India chuan December 1, 2022 khan G20 president nihna a chelh ṭan a, November 30, 2023 thleng president a ni dawn. President a nih chhungin India ram chhung khawpui hrang hrang 50-ah meeting leh event 200 aia tam buatsaih a ni dawn a; ram chhunga khawpui lian bakah, hmarchhak state khawpuiahte meeting leh event nghah a ni dawn a ni.