Synod Hospital ENT Unit-ah Audiology & Speech Lab. hawng

Synod Hospital ENT Unit hnuaia Audiology and Speech Laboratory thar chu nimin khan Synod executive secretary (i/c Hospital) Rev. VL Luaia Hranleh-in a hawng a, Pathian hnenah a hlan.

Audiology and Speech Laboratory hi Synod Hospital leh CBM India ṭang dûnin an siam a ni a; laboratory tharah hian ri hriatna endikna (hearing test) a rintlak lehzual dawn a, nausen piang hlim aṭanga kum upate tan test tih theih a nih dawn thu leh speech assessment (ṭawng lama harsatna nei endikna) leh swallowing assessment (thil lem harsatna neite endikna) pawh mumal takin kalpui theih a ni tawh dawn tih an tarlang.

Synod Hospital ENT Unit hi ENT specialist pahnih leh audiologist-in an enkawl mek a ni.