AH&Vety hmalakna sawiho a ni

Chief minister Zoramthanga hoin nimin khan AH&Vety department hotute Chief Minister's Office (CMO)-ah an ṭhukhawm a, inkharkhip vangin ei leh inah mipuiin harsatna an tawh lohna tura AH&Vety department hmalakna leh project hrang hrang an sawiho.

CM Zoramthanga chuan, hmasawnna tluantling nei turin ei tura intodelh a pawimawh tih sawiin, "Tun hun khirh kan hmachhawn hian a tichiang leh zual. Agriculture leh Horticulture department lamin buh, thei leh thlai lama intodelhna turin ṭang se, Vety department pawhin sa, artui leh bawnghnutea intodelh a, hnianghnâr zawka kan inchâwm theih dan tur te, kut hnathawktute puih dan turte ngaihtuah­in ngawrh takin hma la chhunzawm zel ang che u," a ti.

Meeting-ah hian AH&Very minister Dr K Beichhua, Veterinary Fi­shery & Sericulture Board vice chairman C Lalmuanpuia, AH&Vety secretary C Lalpeksanga, director Dr Hmarkunga leh officer dangte an tel a; Covid-19 vanga department project hrang hrang tangkhang chungchang, hmalak zel dan tur leh hmachhawp dangte an sawiho a ni.