Minister-in OST lâkna tur hawng

Social Welfare minister Dr K. Beichhua chuan nimin khan Agape Moral Reformation Organisation (AMRO), Chawlhhmunah Covid-19 vanga inkhàrkhip chhunga damdawi hmanga ruihhlo ngaite enkawlna opioid substitution therapy (OST) lâkna tur a hawng.

Dr Beichhua chuan, khawvel puma hripui léng karah sorkarin ruihhlo ngaite harsatna a hriatpui tih sawiin, "Ruihhlo ngaite engtin nge kan chhan chhuah ang tih ngaihdan aṭangin he hmalakna hi a lo chhuak a ni," a ti a; ruihhlo ngaite chu nghei tumna tak tak nen inbuatsaih turin a ngen.

OST pekna hi Social Welfare department, Mizoram Social Defence & Rehabilitation Board, Mizoram Drug User Forum leh AMRO ṭangkawpin an buatsaih a ni.