Champhai district-ah zirna-in hnaiha vaihlo zuarte dap chhuah tum a ni

Champhai District Nasha Mukt Bharat Abhiyaan (NMBA) chairman James Lalrinchhana, bawrhsap kaihhruaia nimina ṭhukhawm chuan, zirna-in bul hnai, metre 100 huam chhunga vaihlo leh a kaihhnawih zuarte dap chhuah an rél.

Ṭhutkhawmah hian Nasha Mukh Bharat Campaign kaltlanga kumin chhunga Champhai district-a hmalakna tur Annual Action Plan zirho a ni. Ruihhlo ngai enkawl leh chhawmdawlna pek ngai bikte buaipui dan tur te, awareness campaign neihna tura ruahmanna te, sum dawn a nih huna hmalak dan turte an ngaihtuah a, "Zirna-in bul metre 100 huam chhunga vaihlo leh a kaihhnawih zuarte Anti Tobacco Squad-in dap ṭhin se," an ti.

DC James Lalrinchhana chuan, India rama ruihhlo (drug) hluarna district 372 zinga ruihhlo do beihpui thlâkna tura thlan zingah Champhai district (ṭhen hma) a tel thu a sawi a, "A kaihhnawih department-te inpawh tlang taka thawhho a pawimawh. Hna thawk rual ṭhalai tam tak ruihhloin a tibuai leh hna thawk tlak loa an awm hi a veiawm a, ruihhlo donaah theihtawp chhuah tlàn a ṭul," a ti.