IAS leh MCS officer-te sîksâwi

Mizoram sorkar chuan Mizorama civil service officer ṭhenkhatte awmna a sîksâwi a; hemi chungchangah hian nimin khan Department of Personnel & Admi-nistrative Reforms-in hriattirna a tichhuak.

LRSWC secretary Maria CT Zuali, IAS chu Administrative Training Institute (ATI) director a ni dawn a; LAD secretary David Lalhmangaiha, IAS chu Lawngtlai DC a ni ang. FCSCA secretary Ramdinliani, IAS chu Lunglei DC a ni dawn a, Printing & Stationary secretary Zorammuana, IAS chu Printing & Stationary special secretary (independent charge) a ni ang.

Lunglei DC Kulo-thungan A, IAS chu Social Welfare leh Vigilance additional secretary a ni dawn a; Lawngtlai DC Amol Srivastava, IAS chu DMR additional secretary, ATI director Syed Musawwir Ali , IAS chu ICT special secretary (independent charge) a ni dawn.

School Education director Dr H Lalthangliana chu LRSWC secretary a ni dawn a; DMR/Home/Vigilance additional secretary Lalhriatpuia chu LAD secretary niin, GAD additional secretary Teresy Vanlalhruaii chu FCSCA secretary a ni ang.

Siaha DC Lalsangliana chu School Education director, Mamit DC Lalnunhlua chu SYS director leh Saitual DC VL Hruaizela Khiangte chu HFW/ Cooperation joint secretary a ni dawn. State Institute of Rural Development & Panchayati Raj (SIRDPR) director Lalhmunsanga chu Siaha DC-ah, Sports & Youth Services director K Lalrohlua chu Saitual DC, HFW leh Cooperation joint secretary VL Remliana chu Mamit DC-ah an awm dawn a ni.