Aizawlah heroin gram 576 man

Excise & Narcotics Department (END) leh Assam Rifles ṭang dun chuan January 17, Thawhlehni zan dar 9 vel khan Bawngkawnah heroin gram 503 (hawng 40) an man a, Rs 2,51,50,000 hû a ni.

Heroin neitua puh mi pahnih - Lalnunmawii (50) d/o Siamliana (L) leh Vanlalhruaii (28) d/o Siamhnuna (L), Tuirial Airfield Veng nia inchhalte leh, Lalsang­liana (39) s/o Lawmmanthanga, Zemabawk Industry Veng, tuna Bawngkawna khawsa mek nia inchhálte pawh an man nghal.

END chuan January 17, 2023 vêk chawhma dar 10:30 vel khan Ramthar North, Aizawlah heroin gram 73 (hawng 6) leh a neitua puh Melody Hmangaihzuali (35) d/o Saliana (L), Ṭhuampui, Aizawl, Ramthar North-a khawsa mek nia inchhál an man bawk.

Heroin vanga mante lakah hian END chuan Nar­cotics Drugs & Psycho­tropic Substances Act, 1985 (NDPS Act) tlawh­chhanin thubuai an ziak lut a, nimin khan court-ah an hruai a ni.