Dampa YMA-in kuhva endik dawn

YMA, Dampa Group chuan an huam chhung kaltlanga dan loa Myanmar aṭanga kuhva lak luh tawlh rûk a awm leh awm loh an endik dawn a, kuhva ro tawlh rutute an man chuan, an chungah eng pawh thleng se mawh an phurh loh tur thu an tarlang.

Dampa Group YMA chuan thuchhuah siamin, tunlai hian an huam chhung kaltlangin Burma kuhva ro dan loa tawlh rûk a awm ṭhina an hriat thu an tarlang a, "Tun hnai lawkah pawh ṭum hnih man a ni tawh. Tun hnuah chuan Dampa Group YMA chhung kaltlanga dan phal loh Burma kuhva ro tawlh ru an awm leh awm loh uluk taka endik a ni tawh dawn a, hetiang thil tite man an nih chuan an chungah eng pawh thleng se Dampa Group YMA-in mawh a phur lo ang," an ti.