Fly Big thlawhtir turin Lok Sabha MP-in ngen

Lok Sabha MP C Lalrosanga chuan January 15, 2023 khan Airlines Managing Director chu Aizawla Fly Big airline service siam chungchang a sawipui a; Aizawl leh Imphal bakah, Aizawl leh Shillong inkara Fly Big thlawhtir chungchangah Director of Corporate Affairs a kâwm bawk.

Sorkar laipuia Parliamentary Standing Committee on Health and Family Welfare member-te chuan study tour neiin India ram khawpui hrang hrang an tlawh kual mek a, MP C Lalrosanga pawh a tel. MP-te hian rilru hriselna leh ngawr (TB) veite enkawlna lama hmalakna chungchangah nimin khan state leh sorkar laipui hotute an kâwm. Tour-a an thil zirte chu Parliament-ah an report leh dawn a ni.